বোকাখাত চাহ বাগিছাৰ পামলাইন মজদুৰ প্ৰাথমিক বিদ্যালয়ত বন্ধু বিদ্যালয়ৰ বিশেষ অনুষ্ঠান :
Aiidesh News
Nov 14, 2024 07:15
24
0
Bhabananda Kalita, Aiidesh News : 14 November - 2024 :
পশ্চিম গোলাঘাট শিক্ষা খণ্ডৰ অধীনৰ বোকাখাত চাহ বাগিছাৰ পামলাইন মজদুৰ প্ৰাথমিক বিদ্যালয় আৰু ৰাঙলীসূঁতি মজদুৰ প্ৰাথমিক বিদ্যালয় লগ হৈ আজি বন্ধু বিদ্যালয় অনুষ্ঠান অনুষ্ঠিত কৰে । এই উপলক্ষে আজি পুৱা পতাকা উত্তোলন কৰে পামলাইন মজদুৰ প্ৰাথমিক বিদ্যালয় পৰিচালনা সমিতিৰ সভাপতি গোপাল মুণ্ডাই । বন্তি প্ৰজ্বলন কৰে তৰুণ বৰাই । পৰৱৰ্তী সময়ত গঞ্জু গড়ৰ সভাপতিত্বত মুকলি সভা অনুষ্ঠিত হয় । অনুষ্ঠানত সংগতি ৰাখি ছাত্র ছাত্রী সকলৰ মাজত কুইজ, কবিতা, সৃষ্টিশীল নৃত্য, দলীয় নৃত্য, ঝুমুৰ আদি প্ৰতিযোগিতাৰ আয়োজন কৰা হয় । সভাত প্ৰধান শিক্ষক সঞ্জয় কালিন্দী, জেষ্ঠ সাংবাদিক ভবানন্দ কলিতা, অৱসৰী শিক্ষক অৰুন শৰ্মা, অমৃত নাথ, সিদ্ধেশ্বৰ ডেকা আদি উপস্থিত আছিল । এই অনুষ্ঠানতে শিশু দিৱসো পালন কৰা হয় । অনুষ্ঠান পৰিচালনা কৰে মৌচুমী বৰা, মনেৰাম বৰা, মনজিতা শইকীয়াই ।
**********
