বোকাখাত সম জিলাত ৰাষ্ট্ৰীয় প্ৰেছ দিৱস উদযাপন :

Aiidesh News : 16 November - 2024 : 

দেশৰ বিভিন্ন প্ৰান্তৰৰ লগতে আজি বোকাখাততো তথ্য আৰু জনসংযোগ কাৰ্যালয়, বোকাখাত সম জিলা প্ৰশাসন আৰু সমুহ সাংবাদিক সংগঠনৰ উদ্যোগত ৰাষ্ট্ৰীয় প্ৰেছ দিৱস উদযাপন কৰা হয় ৷ সম জিলা প্ৰশাসনৰ প্ৰেক্ষাগৃহত আয়োজিত ৰাষ্ট্ৰীয় প্ৰেছ দিৱসৰ আদৰণী ভাষণ প্ৰদান কৰে সহকাৰী আয়ুক্ত কুশল কলিতাই ৷ বোকাখাত প্ৰেছ ক্লাবৰ সম্পাদক উত্তম শইকীয়াই আঁত ধৰা অনুষ্ঠানত সম জিলা আয়ুক্ত শিৱানী জাৰ্ণেগলে সমবেত সকলো সাংবাদিকক ৰাষ্ট্ৰীয় প্ৰেছ দিৱসৰ বাবে শুভেচ্ছা জ্ঞাপন কৰাৰ লগতে সততা, নিষ্ঠা, আৰু দায়বদ্ধতাৰে নিজ নিজ মাধ্যমত কাম কৰি সমাজক সহায় কৰিবলৈ আহ্বান জনায় ৷ অনুষ্ঠানত বোকাখাত আৰু কাজিৰঙাৰ সকলো সাবাদ গোটৰ সমুহ সাংবাদিক উপস্থিত থাকে ৷ 

অনুষ্ঠানৰ আৰম্ভনীতেই বিভিন্ন সময়ত দেশৰ বিভিন্ন প্ৰান্ত:ত মৃত্যু বৰণ কৰা সাংবাদিক সকলক স্মৰণ কৰি মৌন প্ৰাৰ্থনা কৰা হয় ৷ অনুষ্ঠানৰ আঁত ধৰি সাংবাদিক উত্তম শইকীয়াই ৰোমৰ প্ৰাচীন লিপি এক্টা ডিউৰেনাৰ  পৰা  বাতৰি কাকত, টেলিভিচন চেনেল, সামাজিক মাধ্যম, ইউ টিউব, ৱেভ পেজ, পড'কাষ্টৰ পৰা কৃত্ৰিম বুদ্ধিমত্তা আৰু ভাৰ্চুয়েল ৰিয়েলিটিলৈকে হোৱা সংবাদ মাধ্যমৰ পৰিৱৰ্তিত ৰূপৰ বিষয়েৰে আলোচনাৰ আঁত ধৰে ৷ আলোচনাত জেষ্ঠ সাংবাদিক বোকাখাত মহকুমা সাংবাদিক সন্থাৰ সভাপতি বুবুল দত্ত, কাজিৰঙা আঞ্চলিক সাংবাদিক সন্থাৰ সভাপতি নীলপদ্ম শৰ্মা, জেষ্ঠ সাংবাদিক স্বপন নাথ আৰু ইমজাৰ কাৰ্যকৰী সভাপতি ৰাজীৱ বৰাই সমল ব্যক্তি হিচাবে ৰাষ্ট্ৰীয় প্ৰেছ দিৱসৰ সংবাদমাধ্যমৰ পৰিৱৰ্তিত ৰূপ শীৰ্ষ আলোচনাত অংশগ্ৰহন কৰে ৷ অনুষ্ঠানৰ শেষত বোকাখাতৰ তথ্য আৰু জনসংযোগ বিষয়া নীৰা ৰায়ে সকলোকে ধন্যবাদ জ্ঞাপন কৰে ৷

***********