কাৰ্বি আংলং জিলাৰ কাকচাংত অচিনাক্ত যুৱকৰ মৃতদেহ উদ্ধাৰ :
Aiidesh News
Dec 25, 2024 09:02
72
0
Aiidesh News : 25 December -2024 :
বোকাখাতৰ সীমান্তৰ কাৰ্বি আংলং জিলাৰ ডলামৰা আৰক্ষী থানাৰ অন্তৰ্গত কাকচাং জলপ্ৰপাতৰ সমীপৰ পাহাৰত আজি এজন অচিনাক্ত যুৱকৰ মৃতদেহ উদ্ধাৰ হয় । ডলামৰা আৰক্ষী থানাৰ ভাৰপ্ৰাপ্ত বিষয়া তীৰ্থ ছেত্ৰীয়ে জানিব দিয়া মতে স্থানীয় ৰাইজে মৃতদেহটো প্ৰত্যক্ষ কৰি ডলামৰা আৰক্ষীক অৱগত কৰে ৷ পিচত ডলামৰাৰ আৰক্ষী ঘটনাস্থলীত উপস্থিত হৈ দণ্ডাধীশৰ উপস্থিতিত এজোপা গছত উলমি থকা অৱস্থাত উৱলি যোৱা মৃতদেহটো উদ্ধাৰ কৰি মৰনোত্তৰ পৰীক্ষাৰ বাবে জিলা সদৰ ডিফুলৈ প্ৰেৰন কৰে । আৰক্ষী বিষয়া গৰাকীয়ে জানোৱা মতে অহা ৭২ ঘন্টাৰ বাবে অচিনাক্ত মৃতদেহটো ডিফুৰ মৰ্গত চিনাক্ত কৰনৰ বাবে ৰখা হ’ব । ঘটনা সম্পৰ্কত ডলামৰা থানাত ৪/২০২৪ নম্বৰৰ এটা গোচৰ ৰজু কৰি তদন্ত আৰম্ভ কৰিছে । মৃত যুৱক জনৰ বয়স প্ৰায় ৩৫ বছৰ বুলি অনুমান কৰা হৈছে ।
********
