বোকাখাত জেষ্ঠ নাগৰিক সন্মিলনৰ তৃতীয় দ্বিবাৰ্ষিক অধিবেশন সম্পন্ন :

Aiidesh News :  25 December - 2024 : 

অসম জেষ্ঠ নাগৰিক সন্মিলনৰ বোকাখাত শাখাৰ তৃতীয় দ্বিবার্ষিক অধিবেশন আজি স্থানীয় পুৱতি সাহিত্য সভাৰ প্ৰেক্ষাগৃহত অনুষ্ঠিত হয় । এই উপলক্ষে আজি পুৱা পতাকা উত্তোলন কৰে সভাপতি চৈয়দ আৰ্নিচুৰ ৰহমানে । কেবাগৰাকী জেষ্ঠ নাগৰিকে বন্তি প্ৰজ্বলন আৰু স্মৃতি তৰ্পন কৰে ৷ দুপৰীয়ালৈ অনুষ্ঠিত বিষয় বাচনি সভাত পুৰণি সমিতিৰ পদত্যাগ কৰা পাছত প্ৰদীপ খাউণ্ডক সভাপতি আৰু  ড৹ বাবুলাল মোৰ আৰু কল্পনা চেতিয়াক কাৰ্যকৰী সভাপতি, ধনীৰাম কুৰ্মীক উপ সভাপতি আৰু তৰুণ দলেক সম্পাদক, হৰিবোলা কালিন্দীক সহকাৰী সম্পাদক হিচাবে লৈ ২১জনীয়া কাৰ্যনিৰ্বাহক গঠন কৰা হয় । পৰৱৰ্তী সময়ত চৈয়দ আনিচুৰ ৰহমানৰ সভাপতিত্বত মুকলি সভা অনুষ্ঠিত হয় । সভাত সম্পাদকীয় প্ৰতিবেদন পাঠ কৰে নিৰঞ্জন শইকীয়াই । সভা উদ্বোধন কৰে পৌৰপতি ৰত্নেশ্বৰ বৰুৱাই । সভাত বিশিষ্ট অতিথি হিচাবে পুৱতি সাহিত্য সভাৰ সভাপতি অপূর্ব বৰদলৈ, অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱা, অৱসৰী প্ৰধান শিক্ষক বীৰেন গগৈ, বিদ্যুৎ পেন্সনাৰ সন্থাৰ সভাপতি মনোৰঞ্জন সেন উপস্থিত থাকি বক্তব্য আগবঢ়ায় । সভাতে ৰানী বৰদলৈৰ গ্ৰন্থ "মোৰ অনুবাদ" উন্মোচন কৰে সদৌ অসম লেখিকা সমাৰোহ সমিতিৰ সভানেত্রী সূৱর্ণ শইকীয়া বৰদলৈয়ে । মুকলি সভাতেই বিশিষ্ট সমাজকৰ্মী ভাৰত গৌৰৱ বটা বিজয়ী মহাবীৰ প্ৰসাদ আগৰৱালাক সম্বৰ্দ্ধনা জনোৱা হয় । 

**********