বর্ষশ্রেষ্ঠ খেলুৱৈৰ সন্মান বেন ষ্টোকছলৈ
AIIDESH NEWSDESK
Apr 9, 2020 10:53
755
0
ইংলিছ অলৰাউণ্ডাৰ বেন ষ্টোকছে বর্ষশ্রেষ্ঠ আগশাৰীৰ ক্রিকেটাৰৰ সন্মান লাভ কৰিছে৷ ২০১৯ চনত দাঙি ধৰা প্রদর্শনৰ বাবেই ষ্টোকছে উইজবেনৰ বর্ষশ্রেষ্ঠ আগশাৰীৰ ক্রিকেটাৰৰ বঁটা লাভ কৰিবলৈ সক্ষম হয়৷ ২০০৫ চনত প্রাক্তন অধিনায়ক এণ্ড্রিউ ফ্লিণ্টফৰ পাছত এই প্রথম ইংলিছ ক্রিকেটাৰ হিচাপে এই সন্মানৰ গৰাকী হয় ষ্টোকছ৷
ইংলেণ্ডৰ প্রথম বিশ্ব কাপ জয়ত ষ্টোকছে গুৰুত্বপূর্ণ ভূমিকা পালন কৰিছিল৷ যোৱা বছৰত লর্ডছত নিউজিলেণ্ডৰ বিৰুদ্ধে ফাইনেলত দাঙি ধৰা প্রদর্শনৰ জোৰতে ষ্টোকছে মেন অব৲ দ্য মেচৰ সন্মান পাইছিল৷ ইয়াৰ পাছত অষ্ট্রেলিয়াৰ বিৰুদ্ধে তৃতীয় এছেজ টেষ্টত ষ্টোকছে মেচ জয়ী অবিজিত ইনিংছ উপহাৰ দিয়ে৷
ইফালে, অষ্ট্রেলিয়াৰ এলিছ পেৰীয়ে মহিলাৰ শাখাত বর্ষশ্রেষ্ঠ আগশাৰীৰ ক্রিকেটাৰৰ সন্মান পায়৷ ভাৰতৰ স্মৃতি মানধানাৰ পৰা সেই সন্মান আঁজুৰি আনে অলৰাউণ্ডাৰ পেৰীয়ে৷
