বোকাখাতত কলিতা জনগোষ্ঠী সন্মিলনৰ চিন্তন বৈঠক :
Aiidesh News
Aug 26, 2025 08:23
319
0
Aiidesh News : 26 August - 2025 :
কলিতা জনগোষ্ঠী সন্মিলন বোকাখাত জিলা সমিতিৰ উদ্যোগত যোৱা ২৩ আগষ্টত পুৱতি সাহিত্য সভাৰ ভবনত এখন চিন্তন বৈঠক অনুষ্ঠিত হয় । বোকাখাত সম জিলাৰ মহুৰা, বুধবাৰী, কুৰুৱাবাহী, খতিয়াখলি, পুৰণি কমাৰগাঁও, কাজিৰঙা, বোকাখাত নগৰ আদিৰ আঞ্চলিক সমিতিৰ প্ৰতিনিধিৰ উপস্থিত এই বৈঠক অনুষ্ঠিত হয় । বিনন্দ বৰুৱাৰ সভাপতিত্ব আৰু গায়ত্ৰী শইকীয়াৰ ভূপেন্দ্ৰ সংগীতৰে শুভাৰম্ভ হোৱা এই বৈঠকত কলিতা জনগোষ্ঠী সন্মীলন অসমৰ সভাপতি ড: সোণেশ্বৰ কলিতা, উপদেষ্টা অৰবিন্দ কলিতা, সৰ্বভাৰতীয় কলিতা সমাজৰ অসমৰ প্ৰভাৰী দিলীপ মাহুৰ উপস্থিত থাকি বক্তব্য আগবঢ়ায় । কলিতা জনগোষ্ঠীৰ ইতিবৃত্ত সহ অসমত বসবাস কৰা লোকসকলৰ ভূমিৰ অধিকাৰকে ধৰি বিভিন্ন ক্ষেত্ৰত অৱহেলিত হোৱা বিষয়ে তথ্য সহকাৰে তেওঁ লোকে বহলাই কয় । জিলা সমিতিৰ সম্পাদক অতুল শইকীয়াই আঁত ধৰা সভাত জিলাৰ কাৰ্যকৰী সভাপতি ভবানন্দ কলিতা, নগৰ আঞ্চলিকৰ দুলাল ডেকা, নিজৰা দত্ত, জীবেশ্বৰ হাজৰিকা, পুৱতি সাহিত্য সভাৰ প্ৰাক্তন সভাপতি অপূৰ্ব বৰদলৈ, সূৰ্য কাকতি, প্ৰভাত বৰদলৈ, জিতেন্দ্ৰ হাজৰিকা আদিয়ে অংশগ্ৰহণ কৰি মন্তব্য দাঙি ধৰে । সৰ্বেশ্বৰ তামূলীয়ে সকলোকে শলাগ জ্ঞাপন কৰে ।
*********
