জামুগুৰিত আপকুৰ দ্বি-বাৰ্ষিক অধিৱেশন : বোকাখাত প্ৰেছ ক্লাবৰ সভাপতি ভৱানন্দ কলিতাক আপকুৰ গোলাঘাট জিলাৰ সভাপতি আৰু পাৰ্থপ্ৰতিম শইকীয়াক সম্পাদক হিচাবে নিৰ্বাচিত :

Aiidesh News  : 12 January :

অসমৰ মফছলীয় সাংবাদিক সকলৰ  সংগ্ৰামী মঞ্চ আসাম প্ৰেছ ক'ৰেছপণ্ডেন্টছ ইউনিয়ন চমুকৈ  (আপকু) ৰ গোলাঘাট জিলা সমিতিৰ দ্বি-বাৰ্ষিক অধিবেশনৰ সাধাৰণ সভা আৰু প্ৰতিনিধি সভা গোলাঘাট জিলাৰ "জামুগুৰি আদৰ্শ জাতীয় বিদ্যাপীঠ"ত  আজি  অনুষ্ঠিত হয় । জিলা খনৰ বিভিন্ন প্ৰান্তৰ পৰা অহা সাংবাদিক সকলৰ উপস্থিতিতিত অনুষ্ঠিত হোৱা দি-বাৰ্ষিক অধিৱেশন খন জিলা সভাপতি প্ৰদীপ বৰাৰ সভাপতিত্বত অনুষ্ঠিত হয় । জিলা সম্পাদক সাৰংগ তামুলীয়ে আঁত ধৰা আৰু উদ্দেশ্য ব্যাখ্যা কৰা সভাত   আগন্তক বৰ্ষৰ বাবে আপকু গোলাঘাট জিলা সমিতিৰ এখন শক্তিশালী কাৰ্যনিৰ্বাহক সমিতি গঠন কৰা হয় । সভাত পৰ্যবেক্ষক হিচাপে উপস্থিত থাকে আপকু  ধনশিৰি মহকুমাৰ জ্যেষ্ঠ সাংবাদিক  হেমন্ত মহন্ত আৰু তুলসী চুতীয়া । এই সভাত  আপকুৰ কেন্দ্ৰীয় সমিতিৰ সম্পাদক প্ৰণৱ চক্ৰৱৰ্তী, কোষাধ্যক্ষ নবীন গোহাই, গোলাঘাট জিলা সমিতিৰ প্ৰতিষ্ঠাপক সভাপতি ভৱানন্দ কলিতা ,ধনশিৰি মহকুমাৰ প্ৰাক্তন সভাপতি বিপুল শৰ্মা উপস্থিত থাকি  বক্তব্য প্ৰদান কৰে । আনহাতে সভাত  জামুগুৰি আদৰ্শ জাতীয় বিদ্যাপীঠৰ অধ্যক্ষ  চিত্ৰলেখা কলিতা, আপকু দেৰগাঁও মহকুমা সমিতিৰ সম্পাদক কুমুদ বৰা,জামুগুৰি প্ৰেছ ক্লাবৰ কাৰ্যকৰী সভাপতি  মৃদুল বৰা, উপ-সভাপতি নোমল শইকীয়া, যুটীয়া সম্পাদক ৰিতুপন দত্ত, আপকু গোলাঘাট জিলা সমিতিৰ প্ৰাক্তন সভাপতি চুলতান আলি উপস্থিত থাকে। উল্লখ্য যে, পৰ্যবেক্ষকদ্বয়ে ভাষন প্ৰদান কৰা পিছতে পুৰনি সমিতি ভংগ কৰি নতুন জিলা সমিতি গঠন কৰা হয় । বোকাখাত প্ৰেছ ক্লাবৰ সভাপতি ভৱানন্দ কলিতাক সভাপতি, প্ৰদীপ বৰাক কাৰ্যকৰী সভাপতি, সাৰঙ্গ তামুলী আৰু জয়ন্ত হাজৰিকাক উপ-সভাপতি, পাৰ্থপ্ৰতিম শইকীয়াক সম্পাদক ,ভদেশ্বৰ বৰা, ৰিণ্টু দুৱৰাক সহকাৰী সম্পাদক, ৰাজুমনি শইকীয়াক পত্ৰিকা সম্পাদক, ৰিতুপন দত্তক সাংগঠনিক সম্পাদক হিচাপে লৈ ১৫ জনীয়া আপকুৰ গোলাঘাট জিলা  সমিতি গঠন কৰাৰ লগতে কেন্দ্ৰীয় প্ৰতিনিধি হিচাপে প্ৰণৱ চক্ৰৱৰ্তী আৰু নবীন গোহাঁইক মনোনীত কৰা হয় । শলাগৰ শৰাইৰ আগবঢ়াই পাৰ্থপ্ৰতিম শইকীয়াই । আনহাতে এই সভাতে আপকু গোলাঘাট জিলা সমিতিৰ পৰা প্ৰতিনিধিত্ব কৰা আপকু সদস্য মহীয়ান বঁটা ২০২৪ৰ বাবে নিৰ্বাচিত আপকু কেন্দ্ৰীয় সমিতিৰ কোষাধ্যক্ষ নবীন গোহাঁইক আপকু গোলাঘাট জিলা সমিতিৰ তৰফৰ পৰা এখন ফুলাম গামোচাৰে অভিনন্দন জনোৱা হয় । সভাত কেইবাটাও গুৰুত্বপূৰ্ণ প্ৰস্তাৱ গ্ৰহন কৰা হয় । 

উল্লেখযোগ্য যে আজিৰ সভাত বৃহত্তৰ জামুগুৰি অঞ্চলৰ কেইবাটাও জ্বলন্ত সমস্যা সমাধানৰ বাবে সভাত প্ৰস্থাৱ  গ্ৰহন কৰা হয়।জামুগুৰি ৰেল ষ্টেচনত ফ্লাই অভাৰ নিৰ্মানৰ লগতে দুখনকৈ যাত্ৰীবাহী ৰেল জামুগুৰিত ৰখোৱাৰ বিভাগীয় কৰ্তৃপক্ষক আহ্বান জনাইছে ।ইপিনে কৃষিপ্ৰধান  জামুগুৰি অঞ্চলত থকা পশু চিকিৎসালয়ৰ পকী বেৰা নিৰ্মান ,শীতলিকৰন ভড়াল স্থাপন আৰু অগ্নিনিৰ্বাপক সেৱাৰ কাৰ্যালয় স্থাপন আদি কেইবাটাও সমস্যা সমাধানৰ বাবে অসম চৰকাৰক দাবী জনাইছে ।

***********