শঙ্কৰী সংস্কৃতিৰ সাধক, ধৰ্মপ্ৰাণ বোকাখাতৰ ভাগৱতী প্ৰসাদ দাসৰ দেহাৱসান : বোকাখাতত শোকৰ ছাঁঃ
Aiidesh News
Aug 20, 2025 09:08
835
0
Aiidesh News : 20 August - 2025 :
শঙ্কৰী সাহিত্য-সংস্কৃতিৰ নিৰৱ সাধক বোকাখাতৰ ভাগৱতী প্ৰসাদ দাসৰ মঙ্গল বাৰৰ নিশা দেহাৱসান ঘটে ৷ শ্ৰীমন্ত শঙ্কৰদেৱ সঙ্ঘৰ এজন একনিষ্ঠ সেৱক, বোকাখাত জিলা শাখাৰ প্ৰাক্তন সাহিত্য শাখাৰ সভাপতি, বোকাখাত জিলা শাখাৰ 'ইতিবৃত্ত'ৰ সম্পাদক, বোকাখাতৰ শ্ৰীমন্ত শঙ্কৰদেৱ বিদ্যালয়ৰ প্ৰতিষ্ঠাপক প্ৰধান শিক্ষক, বোকাখাত বিষ্ণুপুৰ প্ৰাথমিক শাখাৰ সঙ্গী তথা বৰ্তমানৰ উপদেষ্টা, বোকাখাত পৌৰসভাৰ ৫ নং ৱাৰ্ড মিলনপুৰ গাঁৱৰ নিৱাসী ভাগৱতী প্ৰসাদ দাসৰ মঙ্গল বাৰৰ নিশা ১১-৩০ মান বজাত বৈকুন্ঠগামী হয় ৷ হৃদযন্ত্ৰৰ ক্ৰিয়া বন্ধ হৈ ৭০ বছৰ বয়সত দেহাৱসান ঘটা ভাগৱতী প্ৰসাদ দাসৰ বিয়োগত শ্ৰীমন্ত শঙ্কৰদেৱ সঙ্ঘৰ অপূৰণীয় ক্ষতি হয় ৷ নিশাই তেখেতৰ দেহাৱসানৰ খবৰ বিয়পি পৰাৰ পিছত আজি পুৱা অগণন গুণমুগ্ধই তেখেতৰ বাসগৃহত উপস্থিত হয় ৷ শ্ৰীমন্ত শঙ্কৰদেৱ সঙ্ঘৰ হৈ শিক্ষা শাখাৰ সম্পাদক চন্দ্ৰকান্ত ভূঞা, বোকাখাত জিলা শাখাৰ হৈ মহেন্দ্ৰ মোহন গগৈ, নিজ প্ৰাথমিক শাখাৰ হৈ সভাপতি জগত তামুলী, কাজিৰঙা আঞ্চলিক শাখা, বচাগাঁও প্ৰাথমিক শাখা, নগৰ প্ৰাথমিক শাখা, মধ্য কাজিৰঙা প্ৰাথমিক শাখা আদিয়ে দাসৰ নশ্বৰ দেহত শেষ শ্ৰদ্ধা জ্ঞাপন কৰে ৷ মৃত্যুৰ সময়ত দাসে পত্নীৰ লগতে তিনিগৰাকী কন্যা, জোঁৱাই, নাতি-নাতিনীক ইহ সংসাৰত এৰি থৈ গৈছে ৷
*********
