বোকাখাতৰ কাজিৰঙা মৌজাত ই-খাজনা আৰু মিচন বসুন্ধৰা ৩ সম্পৰ্কে সজাগতা সভা :
Aiidesh News
Nov 20, 2024 05:22
56
0
Aiidesh News : 20 November - 2024 : বোকাখাত ৰাজহ চক্ৰৰ চক্ৰবিষয়া দেৱাহুতি ডেকাৰ উপস্থিতিত ১৯ নবেম্বৰত কাজিৰঙা মৌজাৰ উত্তৰ পুৱ কাজিৰঙা গাওঁ পঞ্চায়তৰ কাৰ্যালয় প্ৰাংগনত ই-খাজনা আৰু মিচন বসুন্ধৰা ৩ সম্পৰ্কে জনসাধাৰণক অৱগত কৰাৰ বাবে এখন সজাগতা সভাৰ অনুষ্ঠিত হয় । সজাগতা সভাখনত ৰাজহ চক্ৰ বিষয়া দেৱাহুতি ডেকাৰ উপৰিও ৰাজহ বিষয়াৰ কাৰ্যালয়ৰ কৰ্মচাৰী, লাট মণ্ডল আৰু পঞ্চায়ত প্ৰতিনিধি সকলো উপস্থিত থাকে ৷ উল্লেখ যে, চলিত নবেম্বৰ মাহটোত "ৰাজহ মাহ" হিচাপে চিহ্নিত কৰা হৈছে, সেয়েহে নবেম্বৰ মাহটোত বোকাখাত ৰাজহ চক্ৰৰ এলেকাধীন তিনিওটা মৌজাতে ৰাইজক সজাগ কৰা বাবে ই-খাজনা সম্পৰ্কীয় বিশেষ সজাগতা সভা আৰু ৰাজহ আদালতৰ আয়োজন কৰা হ'ব বুলি ৰাজহ চক্ৰ বিষয়াৰ কাৰ্যালয় সুত্ৰত প্ৰকাশ ।
***********
