তামুলপুৰৰ ভালুকমাৰী, ঘীলাজাৰ আদি গাঁওত ৰাইজৰ হাহাকাৰ। এফালৰ পৰা ভাঙি গৈছে সপোনৰ ঘৰ
RUBUL MAIBELLA
Jun 28, 2020 06:52
815
0
বানৰ কৱলত তামুলপুৰৰ বহু বিস্তীৰ্ণ অঞ্চল। ন ন অঞ্চল প্লাবিত হৈছে বানত। তামুলপুৰত এফালে বানৰ তাণ্ডৱ , আনফালে গৰা-খহনীয়াৰ ভয়ানক দৃশ্য । তামুলপুৰ ৰাজহ চক্ৰৰ অন্তৰ্গত ভালুকমাৰী, ঘীলাজাৰ, ১ নং কুসুমজুলি আদি অঞ্চলত বাল্টি নৈৰ বাঢ়নী পানীয়ে সৃষ্টি কৰিছে ব্যাপক গৰাখহনীয়া। বাল্টি নৈৰ খহনীয়াত জাহ গৈছে ভালুকমাৰী প্ৰাথমিক বিদ্যালয়। নৈৰ বুকুত জাহ গৈছে বহু কৃষি ভূমিৰ লগতে ঘৰ-বাৰী । নিৰাপদ স্থান বিচাৰি হাহাকাৰময় পৰিস্থিতিৰ সৃষ্টি হৈছে গঞা ৰাইজৰ মাজত। চৰকাৰ তথা বিভাগীয় লোক উপস্থিত নোহোৱাত ক্ষোভ ৰাইজৰ। নৈৰ বুকুত নিশ্চিহ্ন হোৱাৰ পথত ভালুকমাৰী গাঁও। টালি-টোপোলা বান্ধি শিশুৰ পৰা বৃদ্ধই ঠেলাত উঠাই নিৰাপদ স্থানলৈ নিছে ঘৰৰ সামগ্ৰী।
