মাস্কত এসপ্তাহলৈ কৰ’না ভাইৰাছ সক্রিয় হৈ থাকে
AIIDESH NEWSDESK
Apr 8, 2020 04:45
918
0
সমগ্র বিশ্বতে ত্রাসৰ সৃষ্টি কৰা কৰ’না ভাইৰাছ মুখত পিন্ধা মাস্কত এসপ্তাহ পর্যন্ত সক্রিয় হৈ থাকিব পাৰে আৰু সংক্রমিত হ’ব পাৰে৷ হংকং বিশ্ববিদ্যালয়ৰ গৱেষকসকলে চলোৱা এটা অধ্যয়নৰ পৰা এই কথা কোৱা হৈছে৷ বিশ্ববিদ্যালয়খনৰ গৱেষকসকলৰ মতে, বেংকৰ ন’ট, ষ্টীল আৰু প্লাষ্টিকৰ পৃষ্ঠত কেইবাদিনলৈ সক্রিয় হৈ থাকি এই ভাইৰাছ সংক্রমিত হ’ব পাৰে৷
তেওঁলোকৰ মতে, ঘৰত ব্যৱহাৰ কৰা কীটাণুনাশক, ব্লীচ বা চাবোনেৰে বাৰে বাৰে হাত ধুলে এই ভাইৰাছ মৰিব৷ অধ্যয়নটোৰ পৰা গৱেষকসকলে জানিব পৰা মতে প্লাষ্টিক আৰু ষ্টীলৰ পৃষ্ঠত কৰ’না ভাইৰাছ চাৰিদিনলৈ লাগি থাকিব পাৰে৷
ইয়াৰ উপৰি মুখত পিন্ধা মাস্কৰ বাহিৰৰ অংশটোত এই ভাইৰাছ এসপ্তাহ বা তাতকৈ অধিক দিন সক্রিয় হৈ থাকিব পাৰে৷ আনহাতে ছপা কাগজত আৰু টিছু পেপাৰত এই ভাইৰাছ তিনি ঘণ্টা, কাঠ বা কাপোৰত এদিনলৈ, কাচত চাৰিদিনলৈ এই ভাইৰাছ জীয়াই থাকিব পাৰে৷
