হাইড্রক্সিক্লৰ’কুইন আমেৰিকালৈ পঠিওৱাৰ অনুমতি দিবলৈ মোদীক ট্রাম্পৰ অনুৰোধ
RUBUL MAIBELLA
Apr 6, 2020 11:16
926
0
আমেৰিকাৰ ৰাষ্ট্রপতি ড’নাল্ড ট্রাম্পে ভাৰতৰ পৰা অধিক পৰিমাণৰ হাইড্রক্সিক্লৰ’কুইন বিচাৰি প্রধানমন্ত্রী নৰেন্দ্র মোদীক অনুৰোধ জনায়৷ কালি তেওঁলোকৰ মাজত হোৱা টেলিফ’নিক বার্লাপৰ সময়ত আমেৰিকাৰ ৰাষ্ট্রপতিজনে প্রধানমন্ত্রীজনক এই অনুৰোধ জনায়৷
তেওঁ প্রধানমন্ত্রী মোদীক কয় যে ভাৰতে ৰপ্তানি বন্ধ কৰি থোৱা ঔষধবিধ আমেৰিকালৈ যোগান ধৰিবৰ বাবে প্রধানমন্ত্রীয়ে অনুমতি দিব লাগে৷ প্রধানমন্ত্রীৰ সৈতে টেলিফ’নত হোৱা আলোচনাৰ বিষয়ে উল্লেখ কৰি ট্রাম্পে সাংবাদিকৰ আগত এনেদৰে কয়৷
তেওঁ লগতে কয় যে চিকিৎসকৰ পৰামর্শ লোৱাৰ পাছত তেওঁ নিজেও এই ঔষধ সেৱন কৰাৰ কথা ভাবিছে৷ ট্রাম্পে কয় যে ভাৰতৰ পৰা যিমান পাৰি হাইড্রক্সিক্লৰ’কুইন আমেৰিকাক যোগান ধৰিবলৈ তেওঁ প্রধানমন্ত্রী মোদীক অনুৰোধ জনাইছে৷
উল্লেখযোগ্য যে আমেৰিকাত কৰ’না ভাইৰাছৰ সংক্রমণে ভয়াৱহ ৰূপ ধাৰণ কৰিছে৷ দেশখনত এই পর্যন্ত তিনি লাখতকৈ অধিক লোকৰ কৰ’নাৰ সংক্রমণ হোৱাৰ লগতে আঠ সহস্রাধিক লোকৰ মৃত্যু হৈছে৷
