বোকাখাতত ভাৰত চৰকাৰৰ শিক্ষা মন্ত্ৰালয়ৰ এক সঁজাতি : দুখন বিদ্যালয় পৰিদৰ্শন :
Aiidesh News
May 17, 2024 01:29
213
0
Aiidrsh News : 17 May 2024 :
ভাৰত চৰকাৰৰ শিক্ষা মন্ত্ৰালয়ৰ এটি দলে ১৬ মে'ত গোলাঘাট জিলাৰ পশ্চিম শিক্ষা খণ্ডৰ কেইবাখনো বিদ্যালয় পৰিদৰ্শন কৰে । শিক্ষা মন্ত্ৰালয়ৰ অৱৰ সচিব সতীশ শ্ৰীবাস্তৱ, কাৰিকৰী সহায়ক গোটৰ আঁচল আৰোৰা, বুনিয়াদী সাক্ষৰতা আৰু সাংখ্যিকতা তথা পূৰ্ব শৈশৱ শিক্ষা আৰু প্ৰযত্ন বিভাগৰ শিৱানী পাৰখীয়ে জিলাখনৰ শিক্ষাৰ অগ্ৰগতিৰ বুজ ল’বলৈ বোকাখাত উপ জিলাৰ শিলজুৰি বাগান প্ৰাথমিক বিদ্যালয় আৰু কৈলাখাত প্ৰাথমিক বিদ্যালয় পৰিদৰ্শন কৰে । কেন্দ্ৰীয় চৰকাৰৰ সঁজাতিৰ দলটোয়ে পৰিদৰ্শন কালত বিদ্যালয় দুখনৰ শৈক্ষিক ক্ৰিয়া কলাপৰ বাবে সন্তুষ্টি প্ৰকাশ কৰে ৷ কৈলাখাত প্ৰাথমিক বিদ্যালয়ৰ আন্তঃগাঁথনি ব্যৱস্থাৰ ভূয়সী প্ৰশংসা কৰাৰ লগতে প্ৰধান শিক্ষক চন্দন ভূঞাৰ প্ৰয়াসৰ শলাগ লয় । ৰাষ্ট্ৰীয় দলটিৰ লগত জিলা আঁচনি বিষয়া নীলোফাৰ ই মাহতাবী, জিলা প্ৰালোচক প্ৰিয়া দেৱী, সহকাৰী নাজিৰ ধ্ৰুৱজ্যোতি শৰ্মা, খণ্ড সমল ব্যক্তি প্ৰদীপ শৰ্মাকে প্ৰমুখ্য কৰি ভালেকেইজন জিলা আৰু খণ্ড পৰ্যায়ৰ বিষয়ববীয়াই বিদ্যালয়সমূহ পৰিদৰ্শন কৰে ৷
*********
