যোৰহাটৰ চিনামৰা মচজিদত ১৬ বছৰৰ পূৰ্বেই তবলিগি জামাত নিষিদ্ধ কৰিছিল,
RUBUL MAIBELLA
Apr 17, 2020 02:58
833
0
আজিৰ পৰা ১৬ বছৰ পূৰ্বেই তবলিগি জামাত নিষিদ্ধ কৰি থৈছে উজনিৰ যোৰহাট জিলাৰ চিনামৰাৰ নতুন মছজিদত ৷ চিনামৰা তিনিআলিৰ ওচৰতে গড়আলিৰ ৰেলৱে’ ক্ৰচিঙৰ কাষতে থকা মছজিদ পৰিচালনা কতৃপক্ষই বহু চিন্তা ভাৱনা কৰিয়েই তেনে এক সিদ্ধান্ত গ্ৰহণ কৰিছিল ৷ অৱশ্যে ইয়াৰ পিছত তেওঁলোকে বিভিন্ন পক্ষৰ পৰা সমালোচনাৰো সন্মুখীন হৈছিল ৷ বহুতে তেওঁলোকৰ এই সিদ্ধান্ত উঠাই ল’বলৈ বিভিন্ন প্ৰকাৰে হেঁচা প্ৰয়োগ কৰিছিল ৷
কিন্তু তেওঁলোক নিজৰ সিদ্ধান্তত অলৰ অচৰ হৈ থাকিল ৷ মছজিদ পৰিচালনা সমিতিৰ দুগৰাকী বিষয়-ববীয় চালেহুল গফুৰ ( বেবিন ) আৰু চফিকুৰ ৰহমানৰ মতে আজি ক’ৰনা ভাইৰাচক লৈহে তবলিগি জামাতৰ প্ৰয়োজনীয়তা প্ৰসংগই চৰ্চ্চা লাভ কৰিছে ৷ কিন্তু এনে ধৰণৰ জামাতৰ য়ে কোনো প্ৰয়োজন নাই সেয়া বহু আগতেই তেওঁলোকে অনুভৱ কৰিছিল ৷ তেওঁলোকৰ মতে ধৰ্মৰ দোহাই দি তবলিগি জামাতে কেৱল এচাম নিস্কৰ্মাহে সৃষ্টি কৰে ।
