বোকাথাতৰ বাওঁপন্থী নেতা বলো বৰাৰ মৃত্যু : অঞ্চলজুৰি শোক :
Aiidesh News
Oct 29, 2024 08:07
78
0
Aiidesh News : 29 October 2024 :
বোকাখাতৰ বিশিষ্ট বাওঁপন্থী নেতা বলো বৰাই আজি বিয়লি কুৰুৱাবাহীৰ নিজা বাসগৃহত শেষ নি:শ্বাস ত্যাগ কৰে । বিগত এমাহ ধৰি অসুস্থ হৈ আছিল বিশিষ্ট বাওঁপন্থী নেতাগৰাকী । বুধবাৰে বিয়লি ৭১ বছৰ বয়সত দেহাৱসান হয় বিশিষ্ট বাওঁপন্থী নেতা বলো বৰাৰ । বিগত সময়চোৱাত তেওঁ বৃক্ক আৰু যকৃতৰ ৰোগত গুৰুতৰ ভাৱে আক্ৰান্ত হৈ আছিল । ৰোগ সজ্জাতে নিজা বাসগৃহতে এটি দুৰ্ঘটনাত আহত হৈ শেযতীয়াকৈ চিকিৎসাধীন হৈ আছিল বলো বৰা ৷
বলো বৰা ভাৰতীয় কমিউনিষ্ট পাৰ্টীৰ আজীৱন সদস্য হোৱাৰ উপৰিও ৰাজ্যৰ বাওঁপন্থী আন্দোলনৰ এজন সক্ৰিয় যোদ্ধা আছিল ৷ বোকাখাতৰ কুৰুৱাবাহীৰ ঐতিহাসিক মৰিয়াহোলাৰ গড়াখহনীয়া প্ৰতিৰোধ আন্দোলনৰ উপৰিও সমাজ সংস্কাৰৰ বিভিন্ন কাৰ্যত সক্ৰিয়ভাৱে জড়িত আছিল বাওঁনেতা গৰাকী ৷ বিধানসভা নিৰ্বাচনতো প্ৰতিদ্বন্দিতা কৰিছিল বলো বৰাই ৷ বলো বৰাৰ মৃত্যুত সমগ্ৰ বোকাখাততেই শোঁকৰ ছাঁ পৰিছে ৷
*********
