মিষ্টাৰ ৱৰ্ল্ড খিতাপেৰে বাঙ্গালোৰত উজ্বলিল বোকাখাতৰ যুৱক দেৱজিত পেগু ⦂

Aiidesh News  ⦂ 25 November - 2024 :

বোকাখাত সমজিলাৰ অতি পিচ পৰা আৰু বানাক্ৰান্ত ধোবাআটি বেলগুৰি গাওঁৰ যুৱক দেৱজিত পেগুয়ে অলপতে বাঙ্গালোৰত আয়োজিত মিষ্টাৰ এণ্ড মিচেচ ৱৰ্ল্ড বডি বিল্ডিং এণ্ড ফিটনেচ চেম্পিয়নশ্বিপত অংশগ্ৰহন কৰি ৬৫ কিলোগ্ৰাম অনুৰ্দ্ধ জুনিয়ৰ শাখাত মিষ্টাৰ ৱৰ্ল্ড খিতাপ দখল কৰিবলৈ সম হয় । ইউনাইটেড ইণ্টাৰনেচনেল বডীবিল্ডিং ফিটনেছ ফেডাৰেচন নামৰ সংগঠনটোৰ  উদ্যোগত  বাঙ্গালোৰৰ কিংচ কৰ্ট পেলেচ গ্ৰাউণ্ডত আয়োজন কৰা এই প্ৰতিযোগিতাত মিষ্টাৰ ৱৰ্ল্ড খিতাপ দখল কৰি ওভতি অহা দেৱজিত পেগুক আজি বোকাখাতত উষ্ম আদৰণি জনোৱা হয় ৷ স্থানীয় সংগঠন মুকক ৰ উদ্যোগত বোকাখাত নাট্যমন্দিৰত আয়োজিত অনুষ্ঠানত স্থানীয় বহু দল সংগঠনে দেৱজিত পেগুক সম্বৰ্ধনা জনায় ৷ বিজু পেগুৱে আঁত ধৰা অনুষ্ঠানত অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱা, বোকাখাত প্ৰেছ ক্লাবৰ সভাপতি ভবানন্দ কলিতা, কৰ্মচাৰী পৰিষদৰ সভাপতি অতুল বৰি, জে দি এছ জি মহাবিদ্যালয়ৰ অৱসৰপ্ৰাপ্ত অধ্যাপক ড৹ অৰুণ বৰা, ব্লক কংগ্রেছৰ সভাপতি সীমান্ত শইকীয়া, অগপ দলৰ পদ্মেশ্বৰ পেগু, দেৱজিত পেগুৰ পিতৃ মাতৃ, বাৰোৱাৰী পূজা সমিতিৰ হৈ গোবিন বৰা আদি উপস্থিত থাকে । দেৱজিত পেগু ধোবাআটি বেলগুৰি গাওঁৰ কৃষক খগেন পেগু আৰু পমিলী পেগুৰ দ্বিতীয় সন্তান ৷ অতি কষ্টৰে ধোবাআটি গাওঁৰ পৰা চাইকেল চলাই নিতৌ বোকাখাত নগৰলৈ আহি সম্পুৰ্ণ নিজা প্ৰচেষ্টাৰে মিষ্টাৰ ৱৰ্ল্ড খিতাপ দখল কৰি দেৱজিত পেগুয়ে বোকাখাতৰ লগতে সমগ্ৰ ৰাজ্যলৈ সুনাম কঢ়িয়াই আনিছে ৷

*************