বিশ্বনাথত আৰক্ষী আৰু বন বিভাগৰ যুটীয়া অভিযান : দুই চোৰাংচিকাৰীক কৰায়ত্ব :
Aiidesh News
Oct 31, 2024 03:16
62
0
Aiidesh News : 31 October 2024 :
কাজিৰঙা ৰাষ্ট্ৰীয় উদ্যান আৰু ব্যাঘ্ৰ সংৰক্ষিত বনাঞ্চলৰ বিশ্বনাথ বন্যপ্ৰাণী সংমণ্ডল এলেকাধীন কাজিৰঙাৰ ষষ্ঠ সংযোজন এলেকাত গঁড় হত্যাৰ এক পৰিকল্পনা প্ৰতিৰোধ কৰি দুজন চোৰাং চিকাৰীক কৰায়ত্ব কৰিবলৈ যসক্ষম হৈছে বিশ্বনাথ আৰক্ষী বনবিভাগ ৷ এক গোপন সুত্ৰৰ আধাৰত ২৬ অক্টোবৰৰ পুৱতি নিশা বিশ্বনাথ আৰক্ষী আৰু বিশ্বনাথ বন বিভাগে চলোৱা এক যুটীয়া অভিযানত চতিয়াৰ ঘিলাধাৰীচুক এলেকাৰ পোকেকাটি গাওঁৰ ৰাচিদুল হক আৰু চিবাৰ আলী নামৰ ব্যক্তি দুজনক আটক কৰে ৷ অভিযানকাৰী দলে জনোৱা মতে ধৃত এই দুই ব্যক্তিয়ে চোৰাংচিকাৰী এটা দলৰ সৈতে গঁড় হত্যাৰ পৰিকল্পনা কৰাৰ উপৰিও গড়ঁ হত্যাৰ বাবে সঁজুলি আদি সাঁজু কৰিছিল ৷ গঁড় হত্যাৰ এই পৰিকল্পনাত ৰচিদুল হক আৰু চিবাৰ আলী লগত জড়িত থকা চোৰাংচিকাৰী দলটোৰ বাকী সদস্যৰ সন্ধানত সম্প্ৰতি অভিযান অব্যাহত ৰাখিছে ৷
**********
