কাজিৰঙাৰ অগৰাতলি বনাঞ্চলত গঁড়ৰ আক্ৰমনত বনকৰ্মী আহত :
Aiidesh News
Jan 10, 2025 11:58
43
0
Aiidesh News : 11 January :
কাজিৰঙা ৰাষ্ট্ৰীয় উদ্যানৰ অগৰাতলি বনাঞ্চলত শুক্ৰবাৰৰ দিনা গঁড়ৰ আক্ৰমনত গুৰুত্বৰভাৱে এজন বনকৰ্মী আহত হয় ৷ বনাঞ্চলৰ পহুমাৰী বনশিৱিৰৰ বনকৰ্মী হিচাবে কৰ্মৰত গৃহৰক্ষী বাহিনীৰ জোৱান নিৰ্মল ডেকাক বনাঞ্চলত কৰ্মৰত অৱস্থাতে গঁড়ে আক্ৰমন কৰি গুৰুত্বৰভাৱে জখম কৰে ৷ সতীৰ্থৰ লগত বনাঞ্চলত কৰ্মৰত অৱস্থাতে নিৰ্মল ডেকাক গঁড়ে আক্ৰমন কৰি গুৰুত্বৰ ভাৱে আহত কৰে ৷ নিৰ্মল ডেকাৰ হাতত থকা বন্দুকটো কামুৰি ভাঙি পেলায় ৷ সহকৰ্মী সকলে শূন্যলৈ গুলি ফুটাই গঁড়ৰ আক্ৰমনৰ পৰা নিৰ্মল ডেকাক উদ্ধাৰ কৰে ৷ পিচত অগৰাতলিৰ বনাঞ্চলিক বিষয়া বিদ্যুত বিকাশ বৰাৰ তৎপৰত্তাত আহত নিৰ্মল ডেকাক বোকাখাতৰ অসামৰিক চিকিৎসালয়লৈ আনে ৷ বোকাখাতৰ অসামৰিক চিকিৎসালয়ৰ চিকিৎসকে প্ৰাথমিক চিকিৎসা প্ৰদান কৰি উচ্চ চিকিৎসাৰ বাবে যোৰহাট চিকিৎসা মহাবিদ্যালয়লৈ প্ৰেৰণ কৰে ৷ পুৱ অসম বন্যপ্ৰাণী সংমণ্ডলৰ ডি এফ অ’ অৰুন বিঘ্নেশৰ উপস্থিতিত গঁড়ৰ আক্ৰমনত গুৰুত্বৰ ভাৱে আহত নিৰ্মল ডেকাক অক্সিজেনৰ চিলিণ্ডাৰ আৰু মাক্স লগাই এম্বুলেঞ্চেৰে যোৰহাটলৈ প্ৰেৰণ কৰে ৷ কাজিৰঙাত কৰ্মৰত গৃহৰক্ষী বাহিনীৰ বনকৰ্মী নিৰ্মল ডেকাৰ ঘৰ নগাওঁ জিলাৰ ধিঙত বুলি জানিব পৰা গৈছে ৷
************
