বোকাখাতত কৃৰ্তীমান খেলুৱৈক সম্বৰ্ধনা ভাৰতীয় জনতা পাৰ্টীৰ :
Aiidesh News
Aug 2, 2022 07:27
386
0
বোকাখাতত কৃৰ্তীমান খেলুৱৈক সম্বৰ্ধনা ভাৰতীয় জনতা পাৰ্টীৰ :
Aiidesh News : 02 August :
ভাৰতীয় জনতা পার্টি বোকাখাত মণ্ডল সমিতি আৰু মহুৰা মণ্ডল সমিতিৰ উদ্যোগত ১ আগষ্টত বোকাখাতৰ পুৱতি সাহিত্য সভাৰ প্ৰেক্ষাগৃহত অসম যুৱ অলিম্পিক , খেলো ইন্ডিয়া আৰু অভয়াপুৰীত অনুষ্ঠিত ৩৭ সংখ্যক অসম টাইকোৱানডো প্ৰতিযোগিতাত পদক লাভ কৰা খেলুৱৈ সকলক অভিনন্দন জনোৱা হয় । এই খেল সমুহত বোকাখাত সমষ্টিৰ খেলুৱৈ সকলে অৰ্জন কৰা সফলতাৰ বাবে অনুষ্ঠানত বোকাখাতৰ ভাৰতীয় জনতা পার্টিৰ প্ৰতিজন কাৰ্যকৰ্তাই সকলো খেলুৱৈকে শুভেচ্ছা জনায় ৷
অনুষ্ঠানত ভাৰতীয় জনতা পার্টিৰ গোলাঘাট জিলা সমিতিৰ সভাপতি দেৱ প্ৰদীপ বৰা , ৰাজ্যিক কাৰ্যনিৰ্বাহ সদস্য ও নৱ নিযুক্ত অসম ক্রীড়া বৰ্ডৰ উপাধ্যক্ষ আকাশ ফুকন , বোকাখাত পৌৰসভাৰ উপ পৌৰপতি ৰাণা দেবনাথ, পাৰ্টিৰ ৰাজ্যিক কাৰ্যনিৰ্বাহক সদস্য অনিমেষ শইকীয়া, অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱা, দলৰ মণ্ডল সমিতিৰ সভাপতি জীৱেশ্বৰ হাজৰিকা, বিশিষ্ট শিক্ষাবিদ ও লেখিকা নিজৰা বৰঠাকুৰ, জেষ্ঠ সাংবাদিক ভবানন্দ কলিতা, অৱসৰ প্ৰাপ্ত অধ্যাপক সুবোধ বৰা , ক্ৰীড়াবিদ ৰজনী শৰ্মাৰ উপৰিও স্থানীয় সাংবাদিক দলৰ মণ্ডল সমিতিৰ বিষয়ববীয়া সকলো উপস্থিত থাকে ৷
*****
