বোকাখাত মহকুমা প্ৰশাসন আৰু কাজিৰঙা ৰাষ্ট্ৰীয় উদ্যান কৰ্তৃপক্ষৰ উদ্যোগতো স্বচ্ছতা অভিযানৰ অধীনত এক তাৰিখ এক ঘণ্টা" কাৰ্যসূচীৰ ৰূপায়ন :

Aiidesh News  : 1 October  2023 : 

সমগ্ৰ দেশৰ লগতে আজি বোকাখাততো মহকুমা প্ৰশাসন, কাজিৰঙা ৰাষ্ট্ৰীয় উদ্যান কৰ্তৃপক্ষ আৰু বিভিন্ন অনুষ্ঠানে ঘন্টা জোৰা স্বচ্চতা অভিযান চলায় ৷ অসম বন আৰু জৈৱবৈচিত্ৰ সংৰক্ষণ কেন্দ্ৰৰ সহযোগতো কাজিৰঙা ৰাষ্ট্ৰীয় উদ্যান কৰ্তৃপক্ষয়ো মহকুমাটোৰ পানবাৰী এলেকাৰ বৰভেটাত এঘন্টাৰ স্বচ্চতাৰ অভিযান চলায় ৷ স্থানীয় লোকৰ সহযোগত আয়োজিত এই অনুষ্ঠানত কাজিৰঙা ৰাষ্ট্ৰীয় উদ্যানৰ সঞ্চালক ড৹ সোনালী ঘোষে অংশগ্ৰহন কৰি স্থানীয় লোক সকলক নিজৰ নিজৰ পৰিবেশ আৰু ঘৰৰ চৌহদ পৰিস্কাৰ কৰি ৰাখিবৰ বাবে অনুপ্ৰেৰণা জোগায় ৷  

একেদৰে বোকাখাত মহকুমা প্ৰশাসন আৰু বোকাখাত পৌৰসভাৰ উদ্যোগতো স্বচ্ছতা সেৱাৰ অভিযানৰ অধীনত "এক তাৰিখ এক  ঘণ্টা"  কাৰ্যসূচীৰে ১ অক্টোবৰৰ পুৱা শ্ৰমদান কৰি বোকাখাত নগৰত চাফাই অভিযান চলায় । বোকাখাতৰ অসম ৰাজ্যিক পথ পৰিবহৰ আস্থান প্ৰাংগনৰ পৰা আৰম্ভ হোৱা এই অভিযান অন্ত পৰে  বোকাখাত পৌৰসভা কাৰ্যালয়ৰ প্ৰাঙ্গণত । পুৱা ১০ বজাত আৰম্ভ কৰা চাফাই অভিযানত বোকাখাত মহকুমাৰ মহকুমাধিপতি চিমি কৰণ, বোকাখাতৰ চক্ৰ বিষয়া চম্পক ডেকা, বোকাখাত পৌৰসভাৰ কাৰ্যবাহী বিষয়া পৰীস্মিতা দিহিঙীয়া, পৌৰসভাৰ পৌৰপতি ৰত্নেশ্বৰ বৰুৱা, উপ-পৌৰপতি, ৱাৰ্ড সদস্য সকল, সহকাৰী আয়ুক্ত সকল আৰু বোকাখাত পৌৰসভা  কার্যালয়ৰ সমূহ  বিষয়া-কৰ্মচাৰীৰ উপৰিও বিভিন্ন বিভাগৰ বিষয়া-কৰ্মচাৰী আৰু স্থানীয় ৰাইজে অংশগ্ৰহণ কৰে । বোকাখাত মহকুমাধিপতি কাৰ্যালয় চৌহদতো কাৰ্যালয়ৰ বিষয়া-কৰ্মচাৰীৰ দ্বাৰা এটি চাফাই অভিযান চলোৱা হয় ।

*******