নিজামুদ্দিন মাৰ্কাজৰ মুৰববী মৌলানা ছাদৰ অৱশেষত ধৰা পৰিল
RUBUL MAIBELLA
Apr 9, 2020 10:48
657
0
নিজামুদ্দিন মাৰ্কাজ আৰু তবলিগী জামাতৰ মুৰববী মৌলানা ছাদ বর্তমান নতুন দিল্লীৰ জাকিৰ নগৰ অঞ্চলত থকা বুলি জানিব পৰা গৈছে৷ দিল্লীৰ আৰক্ষীয়ে তেওঁক জেৰা কৰিবলৈ পৰিকল্পনা কৰিছে, কিন্তু তেওঁৰ ছেলফ-কুৱাৰেণ্টাইন পিৰিয়ড শেষ হোৱাৰ পাছতহে তেওঁক জেৰা কৰা হ’ব৷
কৰ’না ভাইৰাছৰ প্রাদুর্ভাৱৰ কাৰণে চৰকাৰে জাৰি কৰা নীতি-নির্দেশক ছাদে অসন্মান কৰিছিল৷ আৰক্ষীয়ে সকীয়াই দিয়া সত্ত্বেও তেওঁ মার্চত নিজামুদ্দিন মার্জত এটা ধর্মীয় সমাৱেশৰ আয়োজন কৰিছিল৷ দেশ-বিদেশৰ হাজাৰ হাজাৰ লোকে সমাৱেশত অংশগ্রহণ কৰিছিল আৰু তাৰ ভিতৰত ৬০০ৰো অধিক অংশগ্রহণকাৰীৰ কভিড-১৯ পজিটিভ পোৱা হয়৷
তেওঁলোকৰ সংস্পর্শলৈ আহিছিল দেশৰ প্রায় ২৫ হাজাৰ লোক৷ লকডাউনৰ নির্দেশ উলংঘা কৰি ধর্মীয় সমাৱেশ পতাৰ বাবে তবলিগী জামাতৰ নেতা ছাদকে ধৰি সাতজন লোকৰ বিৰুদ্ধে কালি নিজামুদ্দিন থানাৰ আৰক্ষীয়ে এখন এজাহাৰ দাখিল কৰে৷
তাৰ ভিত্তিত আজি দিল্লী আৰক্ষীৰ অপৰাধ শাখাই ছাদ আৰু অন্যান্যসকললৈ চি আৰ পি চিৰ ৯১নং ধাৰাৰ অধীনত বিতং বিৱৰণ বিচাৰি জাননী জাৰি কৰে৷ ছাদৰ অধিবক্তা তৌছিফ খানে পি টি আইক কয়, ‘ছাদ বর্তমান ছেলফ কুৱাৰেণ্টাইনত আছে আৰু ১৪ দিন পাৰ হোৱাৰ পাছত তেওঁ তদন্তত সহযোগ কৰিব৷’
