বোকাখাতত বন্ধু বিদ্যালয়ৰ বিশেষ কাৰ্যসুচী :
Aiidesh News
Dec 9, 2024 05:11
108
0
Bubul Dutta, Aiidesh News : 9 December - 2024 :
গোলাঘাট পশ্চিম শিক্ষা খণ্ড বোকাখাতৰ অধীনস্থ খতিয়াখলি মাধ্যমিক বিদ্যালয় আৰু নিৰঞ্জন বনুৱা প্ৰাথমিক বিদ্যালয়ৰ মাজত বন্ধু বিদ্যালয় কাৰ্যসূচী সম্পন্ন হয় । খতিয়াখলি মাধ্যমিক বিদ্যালয়ত আজি অনুষ্ঠিত বন্ধু বিদ্যালয়ৰ বিশেষ অনুষ্ঠানত প্ৰথমে নিৰঞ্জন বনুৱা প্ৰাথমিক বিদ্যালয়ৰ ছাত্ৰ ছাত্ৰী আৰু শিক্ষক শিক্ষয়িত্ৰী সকলক আদৰণি জনোৱা হয় । পৰৱৰ্তী সময়ত দুয়োখন বিদ্যালয়ৰ ছাত্ৰ-ছাত্ৰী আৰু শিক্ষকৰ মাজত পৰিচয় পৰ্ব সম্পন্ন হয় । ছাত্ৰ ছাত্ৰী সকলৰ মাজত অনুষ্ঠিত হয় বিভিন্ন খেল ধেমালি । ইয়াৰ পাছতে অনুষ্ঠিত হোৱা সাংস্কৃতিক কাৰ্যসূচী উদ্ধোধন কৰে অৱসৰী শিক্ষক বুবুল দত্তই। বুবুল দত্তই বন্ধু বিদ্যালয় আৰু বন্ধুত্ব সম্পৰ্কে ব্যাখ্যা কৰে । প্ৰধান শিক্ষক পৱিত্ৰ শইকীয়া আৰু অমৰ গগৈয়ে আঁত ধৰা অনুষ্ঠান পৰিচালনা কৰে শিক্ষক দেৱজিৎ বৰা, বিষ্ণু প্ৰসাদ তামুলী,অঞ্জনা বৰুৱা,ৰাণু শইকীয়া,নিৰ্মল দাস,বন্দনা দত্ত আৰু কৌশিক হাজৰিকাই ৷
********
