বোকাখাতৰ পৰা চিকিৎসাৰ বাবে দিল্লীলৈ যোৱা দম্পতিৰ সংগী কংকনজ্যোতিৰ শৰীৰতো কভিড ১৯ ৰ সংক্ৰমন :

বোকাখাতৰ পৰা চিকিৎসাৰ বাবে   দিল্লীলৈ যোৱা দম্পতিৰ সংগী কংকনজ্যোতিৰ শৰীৰতো কভিড ১৯ ৰ সংক্ৰমন :

AIIDESH NEWS : 29 April : 

বোকাখাতৰ ম'হমাইকী গাওঁৰ পৰা দিল্লীলৈ চিকিৎসাৰ বাবে গৈ কভিড ১৯ ত আক্ৰান্ত হোৱা দম্পতিৰ সৈতে সংগী হৈ যোৱা একেখন গাঁওৰে কংকনজ্যোতি বৰাৰ শৰীৰতো কভিড ১৯ ৰ সংক্ৰমন ধৰা পৰিছে ৷ বোকাখাতৰ অজিত শইকীয়া আৰু তেওঁৰ পৰিবাৰ বন্তি হাজৰিকাৰ শৰীৰত কভিড ১৯ পোৱাৰ পাচত তেওঁলোকৰ লগত যোৱা কংকনজ্যোতি বৰাৰো কভিড ১৯ ৰ প্ৰথমতো পৰীক্ষা কৰা হয় ৷ আজি বিয়লি এই পৰীক্ষাৰ ফলাফল ঘোষণা কৰা হয় ৷ এই ফলাফলত কংকনজ্যোতিৰ শৰীৰতো কভিড ১৯ ৰ সংক্ৰমন ধৰা পৰিছে ৷ সম্প্ৰতি অজিত শইকীয়া আৰু তেওঁ পৰিবাৰ বন্তি শইকীয়াৰ লগতে দিল্লীৰ ৰাজীৱ গান্ধী চুপাৰ স্পেচেলিটি হস্পিতালৰ আইচ'লেশ্বন ৱাৰ্ডতে আছে কংকনজ্যোতি বৰাও ৷ লক ডাউনৰ পুৰ্বেই  অজিত শইকীয়া আৰু তেওঁ পৰিবাৰ বন্তি শইকীয়াৰ লগত দিল্লীলৈ গৈছিল কংকনজ্যোতি ৷ দিল্লীত তেওঁলোকে বন্তি হাজৰিকাৰ কৰ্কট ৰোগৰ চিকিৎসা কৰিবৰ বাবে যাৱতীয় পৰীক্ষা কৰোতে অজিত শইকীয়া আৰু বন্তি শইকীয়াৰ শৰীৰত কভিড সংক্ৰমন ধৰা পৰে ৷ যাৰ বাবে ডাক্তৰে কংকনজ্যোতিৰো কভিড ১৯ ৰ পৰীক্ষা কৰায় ৷ পৰীক্ষাত বোকাখাতৰ তিনিওজনৰে শৰীৰত কভিড ১৯ ৰ সংক্ৰমন ধৰা পৰে ৷ অৱশ্যে ইয়াৰ পাচত কংকনজ্যোতিৰ আৰু দুটা পৰীক্ষা কৰা হব বুলি তেওঁ নিজেই জনাইছে ৷ তিনিওজনৰেই দিল্লীত থাকোতেই কভিড ১৯ ৰ এই সংক্ৰমন হয় ৷